يوم كتبت
انا حبه اكون ليك
املى ومنايا كله ليك
.........
وندمت على يومها
مكنش يستاهلها
بعدين قلت
كفاية انها منى
يعنى حتة منى
كتابتى و كلماتى
مش مهم لمين
ومين يستحقها
كفاية انى كتبتاها
وطلعت من مشاعرى
مشاعر صادقة
وحساسه
اهو يوم وعدى
وكتبت فيه
.............................
صحيح ممكن تكون كتبتها لحد معين كان نفسى اول واحد يشوفها ويقولى رأيه بس مهتمش او بمعنى اصح ملوش فى الخواطر ولا رومانسية بعدها ندمت انى كتبتها معرفش لى فكرت انى امسحها من مدونه كمان زى ما مستحها من عالفيس بوك بس بعدها قلت لا انا كاتبها ليا كفاية ان الكلام دة طلع منى ممكن يكون هو لى عامل انى ركزت فيه وطلعت كلام زى دة بس مش شرط ان يكون هو يستحق كلام دة ولا يعنى ممكن أخد موقف دة على سبب انى طلعت حاجة حلوة ديما الظروف اللى حوالينا بتأثر فينا ممكن اكون سعيدة اكتب حاجة سعيدة ممكن اكون زعلانة اكتب حاجة كئيبة بس فى حاجات بتكتبها ساعات لاشخاص نفسك هما يشفوها ويفهموا انها ليهم بس لما تكون اشخاص دى معدومة الاحساس او متهتمش بكلامك بتفكر مليون مره فيهم يستحقوا المشاعر دى ولا انا مكبره الموضوع زى ما اتهمت انى مكبره الموضوع ممكن تكون ناس ملهاش فى اشعار والخواطر بس لما تكون انت ديما بتعبر عن حبك واحاسيسك بالخواطر و طرف تانى عكسك وعملى ملوش فى رومانسية هاتفكر مليون مره تانى
........عشان كدة هنا هانفتح موضوع مع بعض
ازاى يكون فى تواق فى شخصيات مع بعض ازاى حد يختار شخصية اللى يقدر يندمج معاها ويكمل حياتة معاها هل ينفع شخصية عملية تندمج مع شخصية رومانسية يعنى مثلا فى كتير الدكتور يحب يجوز دكتورة مهندس مهندسة يعنى ديما بيكون فى كدة هل ممكن لو الاثنين عمليين يكون الاندماج بينهم اكثر لما تكون شخصيتن مختلفين ولا هيكون فى ملل فى العلاقة بصراحة مش عارفة انا رأيى لازم شخصية اللى تكمل حياتك معاها يكون فى توافق بينكم ولازم تشجعك على عملك او حاجة بتعملها زى خواطر دى ابسط حاجة او تهتم بكتابتك
فكرت كتير
وندمت اكتر
وقلت اكيد ميستاهلش
انى اكتب كلمه عنه
ولا اوصف احساس
حسيته منه
دة اكيد
ملوش فى الاحساس
ولا يستاهل
حرف يكتب فى
اكيد فى حد غيره يستاهل
بكره يجى وياخد كل
احساسى المستخبى
مستنى بس يجى
يمكن يجى
ويمكن يكون هو
ويتغير
بس لما تحس من شخص بيبحاول يقرب منك برغم اختلاف توافق فكرى وشخصية بينكم بس هو حابب يقرب بيجرك انك تفكر فى وتكتب عنه ونفسك يحس بيك ويشوف كتابتك بس مابيهتمش ساعات اقول يبقى خلاص بلاش افكر اقلب الترابيزه كلها عالي لما القى منه انه بيحاول يقرب ويرضينى اعيد تفكيرى من جديد اقول معلش احاول اقرب انا بلاش اضغط يمكن يجى بنتيجة و الصبر حلو برضو صبرت كتير صحيح مكنش فى امل انه يوصل للمرحلة دى معايا بس وصل معرفش بكره مخبى اية
ياعلم بكره يا حبيبى مخبي لنا اية
يا خوفى بكره يا حبيبى ما اشفكش فيه
على رأى اليسا
أنا حبه أكون ليك
أملى ومنايا كله ليك
نفسى فيك
بفكر فيك
بحلم بيك
بدعى أكون ليك
بتمناك
وانا عارفة انك
هتروح لغيرى
بدعى من قلبى
ان حلمى يتحقق وتكون لى
حتى لو صعب بس حلم نفسى فى
حاسه بيك
حاسه بقربك بيزيد
يوم عن يوم
خايفة منك وخايفه عليك
خايفة إحساسى يخونى
من تانى
وخايفة أقرب ليك
وأكشفلك عن حبى ليك
مستنياك تكشفلى حبك
وتقول بحبك
بستنها منك
كل لحظة فى عمرى
عندى أمل تقولها حتى
لو بعت بعديها
بس تقولها
واحس بيها
ويتحقق حلمى
حتى لو ضاع فى دقيقة
انا حبه اكون ليك
.........
بنحلم كتير
و
نتخيل ونعيش
و
نقول
ياريت الحلم
يصبح حقيقة
حلمت كتير
و
اتخيلت اكثر
و
بدعى من قلبى
ان حلمى يتحقق
بس ازى
لو
كان
صاحب
الحلم محيرنى
و
تعبنى و معذبنى
وتاعب
خيالى وتفكيرى
سعات يقرب
وسعات يبعد
سعات بحس
انة نفسة
يقول
حاجة
يخاف يقولها
يندم عاليها
عمره كله
سعات اطنش
وقول اسيبة يقرب
انا ابعد
خلى يجرب
عذابة ليا
لكن مبقدرش
خيالى ديما بيسبقنى
و
بفكر فى
اول لما
عيونى تغمض
و
سعات بفكر
اواجه
واقولة انت
بتقرب
اكثر واكثر
وانت وانت
و
لكنى بخاف
يعرف
انى ملاحظة
و
يخاف
و
يجرى
و
يقول اصلى
مش ملك ايدى
يعنى مش
عايزك تحبينى
وتنجرحى
بسبى
و
تلومنى
فى الاخر
و
تجرحينى
يعنى عايزنى
اتخيل بيك
من بعيد لبيعد
كمان احبك
منغير متعذب
البيحرينى
انة بيقولى
انى الوحيدة
فى خيالة
مفيش غيرى
قادر
ياخد مكانى
كمان عايزنى
اكون ديما
فى خيالة
ويكون
هو
فى خيالى
ولكن كل دة
من بعيد لبعيد
ازى ياناس ياهو
سعات اقول
خلاص
دة كلة
خيال فى خيال
وبكره هو اول واحد
لما يلقى فين مصلحتة
يجرى ليها ويبعد ويبيع خياله
فى لحظة
فى الاخر بقول
دة خيال وخلاص
مهما طال السنين
صحيح بتمنى
انة يعيش اكثر
ولكن
مهما طال الخيال
فى الاول والاخر
دة خيال
بس فى الاخر بدعى
و
بقول يارب
قدملى
الخير
وابعد
عنى
الشر
انا راضيا
بقضاء الله
مهما كان
الـــصدا قـــــه
كلمة ليها معانى كتير
الصديق يعنى شخص يكون صريح
معاك وصريح مع نفسة
شخص بكلمة اكنى بكلم نفسى
شخص بستريح لى
شخص بحب اتحدث معاة
اشيكله همى
يشكيلى همه
ينصحنى
وانصحة
يقف جبى
واقف جبه
مينقلش كلامك
ميطعنش فى ظهرك
ميستغلكش عشان طبيتك
صفات كتيرة تحملها الصداقة
لكن كام صديق عندك
فى كل هذة الصفات ؟
..........................
طيب دى بالنسبة للصداقة العادية
اما بقى
لما يكون صديق انتيم
انتيم بنسمعها كتير
الانتيم بتاعى االانتيم بتاعتى
اية انتيم دى
انتيم دى بقى
الى فهمتها ياعنى
انة يكون مرايتك اكنك بتشوف نفسك فى
ويخاف عليك وعلى مصلحتك
وينصحك وتنصحة
وتكون العلاقة بيكنكم تكون صافية
ويكون الاربتابط بينكم اقوى من اى ارتباط اخوى
ميغيرش منك ويغيرعليك
كام واحد عندة الانتيم دة ؟
اكيد فى كتير
اكيد فى صداقات كتير بتنجح
طب لو مرة عليك شوية صداقات زى دول
لو صديق حصل موقف بينك وبينة
حتى لو موقف دة كان صغير اوى
مهما سامحتة هايفضل فى شرخ فى العلاقة بينكم
لو كنت واحد من مش بينسوا ابدا
اة تسامح بس متنساش انة عمل كدة
وتفضل تحرص منة
متبقاش العلاقة زى الاول
هاقولة
بدعيلك من القلب
ربنا يهديك
.............
طب لو صديق بتعاملة طبيعتك
بحسن نية وعادى كل حاجة بتقولها لى
وتكتشف ان فى اسرار فى اعماق عندة
وتحس ان فى كلامة خبث
ان كلامة غير افعالة
يقولك غلط كذا وكذا
وتلقى بيعملها
يغلطة على ناس ويعملة هو ويكون حلال
تبداء تجنبه ولا تعبرة وتعاملة بنفس المعاملة
الخبث الى بيتعامل بيها ويحاول يبين نفسة انة من الصفوة
ويشد حولة ناس ويكون هو الشخصية
الصافية وتصرفاتة كلها صح فى صح
بقولة خليك زى مانت ولكنى هاكون احسن منك
واتعامل بطبيعتى وبينا سلام ولكن
مش هكون زى اول وافتحها على بحرى معاك
لما يكون صديق حبيتة كدة لوحدة كدة
الله فى الله اعتبرة اغلى شىء
حبيتة اكنة طفل صغير عايز حنان منك
من حبك فى نفسك يكون لوحدك
اة ممكن تكون انانية ولكنها غيرة على حبك لى
بتسية حر طليق لكن يصعب عليك
ان حد غيرك يشدة لى ويبعدة عنك
وهو مبهور بى
بتسية وتخلى على كيفية
بكرة يجى ويعرف مين حبيبة
واقولة مهما تطير وتهاجر
اكيد هاترجع لعشك
مستنيك مهما طال السنين
لما يكون صديق واضح وصريح
وعارف طباعه وشخصيتة
وعارف حدودة معاك
لايقدر يغيرك لشخصيتة ولا تحب تغيرة
عجبك كدة
دة انا عايزنى كدة
صداقتك على عينى
ويوافق على كدة
ولا فى خداع ولا غش
ولا باتجمل عشان اجذبة ليا اكثر
واقولة ربنا معاك
ربنا يدوم الصداقة على الصراحة والوضوح
لما يكون صديق يحبك وتحبة وتعبرة اخ ليك
ولا اكنك ام لى
هنا صداقة مفهاش مصالح صداقة
خالية من اى مصلحة يسودها
حب ومودة واحترام
وخير وكفاية حب صديق ليك
ويعتبرك حاجة كبيرة كمان
صحيح بيكون فى فرق فى سن
ولكن كفاية الشعور الجميل
ويخاف على زعلى
ويهمة مصلحتى
صداقة صافية
وطاهرة
اقولة ربنا يخليك ليا
وديما تفتخر بيا
وتتباهى وتقول انى مامتك
ولما يكون صديق ويقولك انة حبيب ليك
انت بتعزة بتعبرة عزيز ونفسك يكون احسن واحد
وتدعيلة بالخير ديما
وعلى طول فى مالك
تسئل عنة وعن اخبارة
لو غاب عنك ثوانى
لو انت غبت سنين
المفروض هو الحبيب
يعنى ابقى من انه صديق
ويسئل عنك
لكن ضربها طناش
ويقول مختش انى اسئل
وحبك فى القلب مبينسيش
ولا بعد السنين
انا اعمل اية بسنين
انا عايزة فى الايام والشهور
وتسئل وتشوف
اشمعنى انك عزيز وبسئل عنك
وانت الحبيب مديها طناش
تجى ازى دى
لكن بردو بحن وقول معلش
خلى قلبك ابيض وكبير
ويستحمل ويسامح
ويقول معلش
اعمل انا الى عاليا
عشان مكنش قصرت
اقولة نفسى اشوفك
احسن حاجة
واكدب كلام ناس عنك وتثبت انك احسن
فى النهاية
ممكن ميكنش ليا صداقات كتير
ولا يعتبر عندى انتيم
لكن محافظة على رونقى
انى صاحبة قلب طيب
يساعى الكتير
من الحبايب
ويعامل الكل
بدون نفاق
وميتجملش عشان
ناس تحبة
لكن تسئلونى عندك صديقة او صديق انتيم ؟
ولا اعرفهم الاثنين
الكل واحد عندى
بس على حسب المراتب
فى الابن والابنة الغالى
فى العزيز الغالى
فى الملاك البرىء
فى اصدقاء تانية
غليين ومن زمان معرفين
صعب ادور والقى زيهم تانين
فى صديقة الى كانت انتيم
معاك طول السنين
وفى لحظة غدر عرفتها
وشفت غدرها
ممكن كل فترة تسئل
وتشوف حلها
وتقول مشغولة فى الدينا وبلويها
ماعيلنا
المهم انك عرفت ان انتيم دة طلع ولابد
زى مابيقولة
اعرف صاحبك وعلم عاليا
ودة الى خدنا من انتيم فى لحظة يبعيك
ويعرفك لمصحتك
واليحرقك كدبة وتعرف انة بيكدب
وتزعل على السنين تضيع على كدبة هايفة
ماعلينا
فى الاخر عايزة اقول
لاتقول انت صديقى ولا حبيبى
المعاملة البتفرض نفسها
والمواقف الصعبة البتبين
مين الصديق ومين الحبيب
ومين الوافى ومين الغدار
واتمنى ليكم كل خير وصداقة
واحسن حاجة تتقال
احب الكل فى الله
لا عندى عزيز ولا غالى
انا بعامل بما يرضى الله
ودى احسن حاجة
من العم انتيم
ولا اية رائيكم
بصراحة مش عارفة ازى
كتبت كل دة
بس قلت افرغ شحنة بقلى كتير مخزنة
والصراحة مكتبتش حاجة جديدة
من فترة
فى الاخر بتمنى الخير
لكل الناس
واقولهم
ان الصداقة فعل اكثر من اسم
وان صديق لازم يكون صادق قبل صديق
