أجمل إحساس بترحب بكل المدونين و تتمنى لكم قضاء وقت ممتع فى المدونه

4
العشم


كنت مضايقة من موقف ما
قلت اكتب هاكتب عن حاجة كلنا ممكن نمر بيها
وبتحصل لينا كتير اوى مع الاصدقاء فى شغل حتى
هى عن
العشم
عارفين اية هو العشم ؟
انك تتشعم بحد
او حد يعشمك ويعيشك فى دور كبير اوى
وبعد متعيش فى دور
هب شخص دة يطير متعرفش يروح فين
او بمعنى اصح يختفى
بتدريج منغير اى مبررات
لما تسئل عن سبب تغير
يكون اجابة بعيد حسباتى
او بداءت افكر
ولى متفكرش صح قبل ماتكلم
تعيش القدامك فى وهم اكثر

سيبك من شخص دة او عشمك بى اية
البكلام عنه هو اصعب انك تعود
تعود على حاجة مكنتش بتفكر فيها
مش عايزها بس كثر الزن امر من سحر زى مابيقلوا
اتعت وعشت فى مود معين اتعشمت بى حاجة
بعد كل دة شخص العشمك يبداء يختفى
متعرفش سبب اية ؟لى ميكنش فى مواجه ؟
اصعب بقى سيبك من شخص دة او عشمك بى اية
الاصعب انك اتعوت التعود صعب اوى
او تكون خسرت حد بسبب شخص دة
شخص دة سابك كمان خسرت ناس على حسابة
والاصعب والاصعب هو نفسك لما تصعب عليك اوووووى
ياااااااااااااااااااااااااااااااااااااااااااا بتكون صعبة
والاصعب لما مموقف يحصل مرتين
نفس الظروف تخسر بردو ناس وتكتشف انهم كانوا الاهم
وصعب انك ترجعهم تانى
بيكون وقت راح
وتروح احلى الايام
وتبداء فى عذاب والم
و تصعب عليك الاحلام
بلاش تتعشم وتتعلق وتحلم

2
لما تكون فى حالك


لما تكون فى حالك

ولا بتقول لحد حاجة

يجى حد يحسسك انك
مللك مفيش غيرك فى كون

او انك مفيش غيرك فى قلبك

ويعيشك فى دور ده

انت تصدق اوى

مه محدش يكره انه يكون

محل اعجاب ولا اية؟

ده اكيد

الخيبة بقى
لما تكون من نوع البيصدق

الكلام ده

تعيش فى دور انك كده

تفضل عايش ومطن انك فى القلب

تدور بقى على النت فى قلبه

اول لما تحس انك فى مشكله

عايزه جبك

اكيد هو اول واحد تفكر فى

مش انت الفى االقلب ولا ايه

هو فين بقى

انت فين

رحت فين

تدور تدور

والتلقى راح

راح فين

متعرفش

اختفى بعد معيشك فى الوهم

اكيد هاتصدم

ده لازم تنزل كمان دمعتين
اولا:

صعبان عليك نفسك


ثانيا :
انك كان نفسك الوهم يدوم


بعد الصدمه تففضل

نفسك مسدوده قلبك مقفول

تكره حاجه اسمها حب

لغايه بققى يجى بس حد يقولك
كلمه حلوه او اعجاب
ويحسسك انك مفيش زيك

يعنى هاترجع تقع تانى؟

مبتتعلمش انت صح ؟

بعد ميجى

يبدء قلبك يحرك مفتاح

ويفتح ويقول يلا شوية امل
الحياه حلوة

ياعم متسيبه مقفول اريح

لا ازى لازم يتحرك

يبداء الاخ بقى المعجب

يقول فى كلام وانت تتعود عاليا

انك تكلامه كل يوم
لغاية ماتتعود

وتحس انك خلاص متقدرش تستغنى عنه
اة تقع بقى ياعم فى الفخ من تانى
ترجع ريما لعادتها القديمة

ويبداء الموال تانى

لما خلاص تقع فيى

يختفى

تعقد تقول
فين فين
يادى فين دى
ياعم ماقلنا خلى مقفول احسن
ياعم مقلتك بلاش تحرك المفتاح

اهو اتحرك اتفح على بحرى

مش عارف تقفلة

بدل الدمعتين بتوع كل مره

بقى بحر دموع

يرضيكم كدة؟

ابقى اسمع كلام بقى

اقفل قلبك بالمفتاح

ارمى فى البحر

عشان متحولش تفتحه تانى

اوعى حد يعمل زيه خلى بالكم

امشوا جب الحيط احسن

نصيحة من الابر منك حتها حلقة فى ودنك

0
أخترت أبعد



اخترت ابعد عنك

لكنى عارفه انى لسه فى قلبك
اكدب نفسى كل مره انى لسه عايشه فى قلبك
واقول اتقل مسئلش عنك
عشان تسئل اعرف انى موجوده فى قلبك
استنى اقول ياترى فين ومبيسئلش لى
اعقد افكر هو فين مبيسئلش لى اتارينى انا الفكراك
وبفكر فيك
رغم انى اخترت البعد عنك
انت لما صدقت وبعت
اكنك فرحت
انك تبعد عنى
قلت بحبيك صدقتك
وفرحت من قلبى
لكنى قلتك خينا زى ماحنا
خفت انى احبك اتعلق بيك
اكثر منك
احبك لما احبك تبعد
اهو حصل لماحبيتك
خفت تعرف بحبيى ليك
قلتك ابعد
قلت انك هاتقولى لا
خليكى جبى حتى بروحك
لكنك خيبت ظنى
وبعت اكنك لما صدقت
الخفت منه حصل
حبيتك انا بعت انت

0
حيره وخوف

اية شعورك لما تكون محل اهتمام؟؟؟؟
اية بيكون احساسك لما تكون محل اعجاب ؟

اية بيكون شعورك بعد الاهتمام والاعجاب تكون وحيد ؟

تحس انك وحيد محدش بيفكر فيك مش حاسس بيك

جربت الشعور دة

بعد متكون نجم لامع تصبح ولا حاجة
طب لى بيجيلك شعور الوحده ده ؟
ولا عشان عايز تكون طول وقت الكل يشاور عليك يهتم بيك ؟

هو الاهتمام وحش ؟

شعور انك مرغوب فى وحش ولا حلو

وشعور انك الكل بيبعد عنك دة بيجى لى التفكير ده

ولا ان لازم الكل يوحى ليك انك محل اعجاب واهتمام
لما متحسش بشعور دة تفكر انك وحيد محدش بقى يفكر فيك

حاجة تحير

بس تخوف

تحير انك مش عارف ان دة عادى انك مكبر الموضوع مش لازم شعور دة انك تكون محل اهتمام طول وقت
تخوف انك تكون وحيد بجد

3
عايزة أحبك


عايزة أحبك

عايزة أحبك بس خايفة

عايزة أحبك منغير مفكر فى بكرة

عايزة اعيش معاك كل لحظة حب

منغير مفكر هايحصل بعد حبك اية

نفسى أحبك منغير قيود

عايزة أحبك منغير مشغل تفكيرى بحد غيرك

نفسى أحس بالأمان معاك

نفسى أغمض عينى ومكنش خايفة

نفسى تخضنى فى حضنك وانسى دنيا معاك

نفسى اسيب نفسى طايرة فى هواك

زى الطير مايكون فى عيشة لما يصدق

يطلع نهاروطير ويحلق فى سماء

انا زى طير فى عشى نفسى حد يطلعنى

بس خايفة اطير واتوه اندم اقول يارتنى كنت فى عشى

خايفة أحبك وأحلم بحبك واصحى على وهم كبير

وخايفة أبعد عنك اكون ضيعت احلى حاجة

عايزة أحبك مش عارفة

عايزة أحبك واقفل على عقلى

وافتح قلبى ليك وأحبك بجنون

عيزاك تطمن عقلى انك هاتحافظ على قلبى

عيزاك تطمن عقلى انك مش هاتخلنى

احمل هم دنيا وانا معاك

عايزة أحبك بجد

بجنن لما أعرف ان فى كتير بتموت فى هواك

انا مش قادرة اوصلك مشعارى نحيتك

عايزة احبك مش عارفة


عايزة احبك وخايف
ة
عايزة احبك منغير مفكر فى بكرة

عايزة افكر فى حبك ليا وانسى دنيا وانا معاك

خلينى احبك منغير تفكير مش مكفينى حبك ليا

خلينى أحبك واحس بحلاوة حبك ليا

ساعدنى احبك

0
أحلى الذكريات

أحلى الذكريات

يوم من ايام كنت برجع بالذكريات

حنيت لى زمان وايام زمان

افتكرتك وافتكرت معنى الحب

قلى اتعلمتة على ايدك

وافتكرت الايام الحلوة قلى بقيت احلى الذكريات

افتكرت اول كلمة قلتهالى

تلهالىافتكرت احلى كلمة حب اتقالت ليا بصدق

كانت ايام من احلى الذكريات

قلى تعيش فى قلب ماتنسيش

صحيح مرت الايام وهداء الحب والاشواق

لكن عمرى مانسيتك ولا هنساك

عشان انت جوة فى قلبى

0
مرة عليا الزمن


مره عليا زمن


انهاردة انا قاعدة وبتأمل كدة على حمام سباحة فى نادى

وكنت شايفة عيال صغير ة مدرب بيمارنها عمال اتأمل فيهم وافتكر لما كنت

قدهم كنت بتعلم سباحة بس معرفش مكملتش لى؟ قعت افكر مكملتش لى لى ولا اهلى هما سبب ولا انا بصراحة مش فاكرة

كا اية الى حصل انى مكملاتش بس جة وافتكرت حاجة قلت يمكن تكون هى سبب انى كانت رجلى اتكسرت بس مش عارفة

هل دة سبب رائيسى ولا اسباب تانية ولا يمكن اية

المهم وانا بقى شايفهم هما بيدربوا وجمال ماية كمان

كنت هاجنن وكمان حزنت على نفسى وقعت اقول

يااااااااااا انا عندى 25 سنة رغم انا صغيرة بفكر لما اكمل سنة زيادة من عمرى انى اكبر

انهاردة قلت ياااااااااا 25 سنة فاتوا من حايتى عملت فيهم اية ولا عشتهم كنت ازى

ياعنى 25 سنة ياترى عملت فيهم اية وكمان انا لما كنت صيرة مكملتش فى للعبة او هواية مثلا

ياترى لى؟ ولا دة عيب منى ولا ظروف ؟

طب نسيبنا من طفولة واهى عدت بسلام والحمد الله

نجى لى مرحلة جامعة من سن

تقريبا سن 19 طيب انا لا دخلت جامعة

ممكن فى اول واحد كان خايف ازى هايتعامل مع ناس

0
خايف من أية

خايف من اية
خايف يجى عليك يوم محدش يسئل عليك
خايف يجى اليوم الى مكنتش عملوا حساب
خايف تضحك على نفسك
ولا خايف انك تضحك على حد ويصدقك ويحط ثقتة فيك
خايف انك تحب ولا خايف انك تتحب ومتقدرش تبادل شخص دة نفس مشاعرة ليك
خايف تصارح حد بمشاعرك يكون معتبرك صديق عزيز وبس
خايف خايف كل حاجة عندك خوف امتة تجى لحظة عليك تكون فرحان منغير خوف ان الفرحة تروح منك
خايف من الايام مة انت عملت اية عشان ايام تغدر بيك؟
خايف من الموت ؟ سئلت نفسك لى؟
امتة خوف يروح منك امتة تكون فرحان ومبسوط منغير خوف
سعات الخوف بيكون لى ميزة انك من كثرة خوفك تخاف تعمل شىءغلط
وسعات بيكون الخوف جبن والجبن كسل والكسل ضياع وهم كبير

مش هقولك متخفش خاف بس بى حدود
خاف من الله لو خفت منة مش هاتخاف انك تعمل شىءغلط
مش هاتخاف انك تسكت عن الظلم
مش هاتخاف انك تنجح فى عملك
مش هاتخاف من بكرة ولا من ايام
مش هاتخاف من الموت عارف لى

عشان انت تخشى الله وعارف اية الحلال واية هو الحرام ومراعى ربنا
لو كلنا خفنا من ربنا وخفنا انة يزعل مننا
مش هانخاف فى حايتنا طالما نعرف الله ونخشاه

0
أصــــعـــــب لــــحــــظــــة

أصــعــب لــحـــظــة
اصعب لحظة لما تنزل دمعة من عينك بسبب شخص ميستهالش
اصعب لحظة لما تفكر فى حد وتدعى لى بالخير ومتكنش انت على بالة
اصعب لحظة لما تكتشف اعز اصدقائك بيكدب عليك وانت عارف انة بيكدب
اصعب لحظة لما تحب قوى وتنجرح من الى بتحبة
اصعب لحظة لما يكون قلبك طيب وتسامح ومحدش يستهال قلبك الطيب
اصعب لحظة لما تكون نفسك تفضفض ومش قادر تحكى
اصعب لحظة لما تكرةا الكدب وتكدب
اصعب لحظة لما تخاف من بكرة
اصعب لحظة لما تصارح الى بتحبة بحبك ويكون ردة بارد
اصعب لحظة لما تكون متشوق لى حد مبسوط لما تشوفة ويقابلك بكل البرود
اصعب لحظة لما تعاند وترجع ندمان
اصعب لحظة لما ترجع بذكرياتك وتفتكر الاحزان
اصعب لحظة لما تكون باقى على حد ميستهلش
اصعب لحظة لما تكون مخنوق مش قادر تبكى عشان مضايقش الى حواليك
اصعب لحظة لما تشوف الفرحة ومتحسش بيها
اصعب لحظة لما تضحك على نفسك
اصعب لحظة لما يكون اقرب ناس منك زعلانين منك
اصعب لحظة لما تفقد أعز الناس
اصعب لحظة لما تزعل واللديك
أصعب لحظة لما تكون مئثر فى حق ربك
لحظات كتير صعبة بتمر علينا بس قول الحمد الله فى رب كريم مابيسبش حد الا لما يرضى
لما تكون مضايق قوووووى قول الحمد الله انت فى نعمة مش حاسس بيها

2
أجـــمـــل أحــساس

أجمل احساس
اجمل احساس لما تشعر بى الحب وتكون دنيا مش سيعاك
اجمل احساس لما حد يقولك بحبك بجد ويكون حبة صادق
اجمل احساس لما تكون محبوب بين ناس
اجمل احساس لما تحقق هدف كان نفسك فى
اجمل احساس لما تسعد الى حوليك وتشوف الفرحة فى عينهم
اجمل احساس لما تشوف بيبى زى القمر وتكون عايز تخدة فى حضنك
اجمل احساس لما تجيب بيى زية ويكون ابنك بجد
اجمل احساس لما تبداء تحب وتحس بى الحب وجمالة
اجمل احساس لما تمنى امنية وتتحقق ليك
اجمل احساس لما يكون والديك راضين عنك
اجمل احساس لما يكون ربك راضى عنك
 
تعريب وتطوير Agmel E7sas
أ جــــــــــــــمل إ حــــــســـــا س © 2011 | عودة الى الاعلى
Designed by Chica Blogger